Hindi SMS

kis kis ki main pyass bujhaaon
kis kis ke mai kaam aaon
soach raha hai jane kya kya
pehla qatra baarish ka

ik Gazal us pe likhuu.N dil kaa takaazaa hai bahut
in dinon Khud se bichhar jaane kaa dharakaa hai bahut

raat ho din ho Gafalat ho ki bedaarii ho
usko dekhaa to nahiin hai use sochaa hai bahut

tashnagii ke bhii muqaamaat hain kyaa kyaa yaanii
kabhii dariyaa nahiin kaafii, kabhii qatraa hai bahut

mere haathon kii lakiiron ke izaafe hain gavaah
main ne patthar kii tarah Khud ko taraashaa hai bahut

terii taariif karate hai.n to isame.n kyaa buraii hai
Khudaa ne apne haatho.n se terii suurat banaii hai

hazaaro.n kii tarah sun le terii rusavaaii ke Dar se
teri tasviir hamne kitaabo.n me.n chhupaaii hai

terii maasuum suurat kii yahii taariif hai sun le
zabaa.N pe hai yahii sab ke Khudaaii hai Khudaaii hai

marz ye ishq kaa aisaa lagaa ki phir nahii.n chhuuTaa
duaa bhii hamane kii “Akbar” davaa bhii aazamaaii hai

terii Khushbuu kaa pataa kartii hai
mujh pe ehasaan havaa kartii hai

shab kii tanhaa_ii me.n ab to aksar
guftaguu tujh se rahaa kartii hai

dil ko us raah pe chalnaa hii nahii.n
jo mujhe tujh se judaa kartii hai

zindagii merii thii lekin ab to
tere kahane me.n rahaa kartii hai

us ne dekhaa hii nahii.n varnaa ye aa.Nkh
dil kaa ehavaal kahaa kartii hai

beniyaaz-e-kaaf-e-dariyaa angusht
ret par naam likhaa kartii hai

shaam parte hii kisii shaKhs kii yaad
koochaa-e-jaaN mein sadaa kartii hai

mujh se bhii us kaa hai vaisaa hii suluuk
haal jo teraa ana??? kartii hai

dukh huaa karataa hai kuchh aur bayaa.N
baat kuchh aur huaa kartii hai

abr barase to inaayat us kii
shaaKh to sirf duaa kartii hai

masalaa jab bhii uThaa chiraaGo.n kaa
faisalaa sirf havaa kartii hai

tere qadamon pe sar hogaa qazaa sar pe khari hogii
phir us sajde kaa kyaa kahanaa anokhii bandagii hogii

nasiim-e-subah gulashan mein gulon se khelatii hogii
kisii kii aakharii hichakii kisii kii dillagii hogii

dikhaa duuNgaa sar-e-mahafil bataa duuNgaa sar-e-mahashar
vo mere dil mein honge aur duniyaa dekhatii hogii

mazaa aa jaayegaa mahashar mein phir sunane-sunaane kaa
zubaaN hogii vahaaN merii kahaanii aap kii hogii

tumhen daanistaa mahafil mein jo dekhaa ho to mujarim
nazar aaKhir nazar hai be-iraadaa uTh ga_ii hogii

vo Khud nazar aate hain jafaaon pe pashemaaN
kyaa chaahiye aur tum ko “Akbar” is ke sivaa aur….

achchhii suurat vaale saare patthar-dil ho mumkin hai
ham to us din raaye denge jis din dhokaa khaayenge

seena dehek raha hai to kya chup rahe koi.
kyoon cheekh cheekh kar na gala cheel le koi.

saabit hua sukoon e dil o jaan kaheen nahi.
rishton mai dhoondta hai to dhoonda kare koi.

haan theek hai mai apni anaa ka mareez hoon.
aakhir mere mizaaj mai kyoon dakhl de koi.

Nazar andaz kaise kare AAPKO,
Nazare me bithaya hai AAPKO,
AAPKI Yaad Aayegi to Bahenge Aanshu,
Magar hum Royenge bhi Nahi,
kyunki palke chubhengi AAPKO….!

duniya ki nazar lag sakti hai khudko bachaya karo.
Aankho main kajol ki nahi , gale main nimbu mirchi bhi lagaya karo.

Lafz ki shakl mein ehsas likha jata hai
Ya’ni seerabi ko bhi piyaas likha jata hai
merey jazbaat sey waqif hai qalam bhi mera
mein wafa likhhoon to TERA NAAM likha jata hai

Pooch Lo Tum Bhi Iss Zamaane Se,
Pyaar Chhupta Nahin Chhupane Se
Paas Aate Ho Choote Ho Baat Karte Ho,
Kabhi Matlab Se Kabhi Bahane Se
Pyar Dil Mein Hai To Laao Zabaan Pe,
Aag Badhti Hai Ye Bujhane Se.
Tumhein Na Paana Shayad Behtar Hai,
Paa Ke Phir Se Tumhein Ganwane Se.
Chalo Ek Dua To Apni Poori Huye,
Mil Liye Apne Ek Deewane Se.
Roye Jaate Ho, Bas Roye Jate Ho,
Kya Hoga Ye Dhan Lutane se

zaalim thaa vo aur zulm kii aadat bhii bahut thii
majabuur the ham us se muhabbat bhii bahut thii

us but ke sitam sah ke dikhaa hii diyaa ham ne
go apanii tabiyat mein bagaavat bhii bahut thii

vaaqif hii na thaa ramz-e-muhabbat se vo varnaa
dil ke liye thorii sii inaayat bhii bahut thii

yuun hii nahiin mashhuur-e-zamaanaa meraa qaatil
us shaKhs ko is fan mein mahaarat bhii bahut thii

kyaa daur-e-Gazal thaa ke lahuu dil mein bahut thaa
aur dil ko lahuu karane kii fursat bhii bahut thii

har shaam sunaate the hasiinon ko Gazal ham
jab maal bahut thaa to saKhaavat bhii bahut thii

bulavaa ke ham ‘Ajiz’ ko pashemaan bhii bahut hain
kyaa kiijiye kam_baKht kii shoharat bhii bahut thii