Gulshan ki bahaaron ne sar-e-aam likha hai
phir usne gulaabon se mera naam lokha hai
behte hue paani pe ye lafzon ke sitaare
shayad mere mehboob ne yeh paigaam likha hai
ye dard musalsal mere dil main rahega
kuch soch kar usne mera anjaam likha hai
neendon ne kaha khuwab se ye hath milakar
kiya apne mukaddar main kabhi araam likha hai
jisne kabhi meri janib murh kar nahi dekha
us shaks ke hathon main mera naam likha hai
RAAHI apni to har raat guzarti hai safar main
aankhon ki zanjeeron pe ye paigaam nlikha hai