contributor: Vishal Mehta

Vehmon gumaan se door door…
Yakeen ki had ke paas paas…
Dil ko bharam yeh ho gaya…
Unko humse pyaar hain…!!!

From: Fadzil Khan

Band hua sara maikhana
Ek sharab ki botal main

Dil peh zakhm khate hain
Jaan se guzar te hain

Jo bale hain zulmat main
Kya sahar ko pechane

Dil ko kya kare sahib
Hum gune peh marte hain

Dil peh zakhm khate hain
Jaan se guzar te hain

Contributor: Rohit Gaikwad

Lyrics: Saba Afghani Singer: Jagjit Singh Album: Together

Gulshan ki faaqat phooloN se nahiN kaaTon se bhi zeenat hoti hai
jeene ke liye is duniya meiN gham ki bhi zaroorat hoti hai
(gulshan - a flower or rose garden; faaqat - merely/only; zeenat -
decoration/beauty)

Ae waaiz-e-naadan karta hai tu ek qayamat ka charcha
yahan roz nigaHen milti haiN yahan roz qayamat hoti hai
(waaiz - preacher/advisor; naadan - ignorant;)

Wo pursish-e-gham ko ayae HaiN kuch keh na sakooN chup reh na sakooN
khaamosh rahooN to mushkil hai keh dooN to shikaayat hoti hai
(pursish - inquire/ to show concern about )

Karna hi padega jabt-e-alam peene hi padenge ye aansoo
fariyaad-o-fugaaN se ae naadaaN tauheen-e-mohabbat hoti hai
(alam -pain/grief ; fariyaad - complaint/plea; fugaaN - cry of distress;
tauheen - dishonor/insult)

Jo aake ruke daaman pe ’saba’ wo ashq nahiN hai paani hai
jo ashq na chalke aankhoN se us ashq ki keemat hoti hai
(daaman - foot/base of lap )